عمران خان نے مردان جلسے میں شرکت کیلئے سرکاری ہیلی کاپٹر استعمال کیا

چیئرمین پی ٹی آئی عمران خان نے مردان جلسے میں شرکت کے لیے خیبرپختونخوا حکومت کے ہیلی کاپٹر میں سفر کیا۔

سابق وزیراعظم عمران خان اسلام آباد سے مردان کے پی حکومت کےہیلی کاپٹر میں آئے۔

اس سے  پہلے بھی کے پی حکومت کا ہیلی کاپٹر استعمال کرنے پرنیب کی تحقیقات جاری ہیں۔

وزیراعلیٰ خیبرپختونخوا کے معاون خصوصی بیرسٹر محمد  علی سیف  کاکہنا ہےکہ وزیراعلیٰ خیبرپختونخوا بھی عمران خان کے ہمراہ تھے، وزیراعلیٰ سرکاری دورے پر اسلام آبادگئے اور وہ واپسی پر عمران خان کو جلسہ گاہ لائے۔

انہوں نے کہا کہ وزیراعلیٰ نے اپنےاختیارات کے تحت ہیلی کاپٹر استعمال کیا لہٰذا سرکاری وسائل استعمال کی الزام تراشی بے بنیاد ہے۔