17 مئی ، 2022
قومی کرکٹر شعیب ملک کی اہلیہ ثانیہ مرزا کا شمار ان شخصیات میں کیا جاتا ہے جو اپنی ذاتی زندگی کو سوشل میڈیا پر مداحوں سے شیئر کرنے میں نہیں کتراتے۔
یہی وجہ ہے کہ ثانیہ مرزا آئے روز اپنی زندگی میں ہونے والے ایونٹ کی مختلف ویڈیوز اور تصاویر سوشل میڈیا پر شیئر کرتی دیکھی جاتی ہیں۔
حال ہی میں ثانیہ نے اٹلی کے شہر روم کا دورہ کیا جہاں انہیں بیٹے اذہان مرزا ملک کے ساتھ دیکھا گیا۔
ثانیہ نے اپنی اور بیٹے اذہان کی تصویر انسٹاگرام پر شیئر کرتے ہوئے ایک دلچسپ کیپشن بھی شیئر کیا جس میں درج تھا کہ ’ مائے اٹالین ڈنر ڈیٹ‘۔
شیئر کی گئی تصویر میں ثانیہ کو بیٹے کے ہمراہ ریسٹورینٹ میں خوشگوار موڈ میں دیکھا جاسکتا ہے۔
ثانیہ مرزا کی شیئر کی گئی تصویر کو مداحو ں کی جانب سے پسند کیا جارہا ہے۔