17 مئی ، 2022 
پاکستان
الیکشن کمیشن نے فیصلہ 18 مئی کو 12بجے سنانے کی کازلسٹ جاری کی تھی— فوٹو: فائل
الیکشن کمیشن کی منحرف ارکان پنجاب اسمبلی سے متعلق فیصلے کی 18 مئی کی کازلسٹ تبدیل
17 مئی ، 2022
الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کے 25 منحرف ارکان پنجاب اسمبلی کے نااہلی ریفرنسزکے فیصلے سے متعلق 18 مئی کی کازلسٹ میں ردوبدل کردی۔
الیکشن کمیشن نے پی ٹی آئی منحرف ارکان پنجاب اسمبلی کےخلاف ریفرنسز پر آج فیصلہ محفوظ کیا تھا۔
الیکشن کمیشن کی 18 مئی کی کازلسٹ میں تبدیلی کردی ہے اور نئی کاز لسٹ جاری کی ہے۔
18 مئی کی کاز لسٹ سے منحرف ارکان پنجاب اسمبلی کا فیصلہ ہٹادیا گیا ہے۔
ذرائع الیکشن کمیشن کے مطابق الیکشن کمیشن کل ہی منحرف ارکان کا فیصلہ سناسکتا ہے اور اضافی کاز لسٹ بھی جاری کرسکتا ہے۔
الیکشن کمیشن نے آج فیصلہ 18 مئی کو 12بجے سنانے سے متعلق کازلسٹ جاری کی تھی۔
