28 مئی ، 2022 
عامر لیاقت کا بشریٰ، طوبیٰ اور دانیہ کیلئے پیغام
28 مئی ، 2022
رکن قومی اسمبلی عامر لیاقت نے اپنی سابقہ اہلیہ بشریٰ اقبال اور طوبیٰ سمیت دانیہ شاہ کے لیے پیغام جاری کیا ہے جس کے بعد سوشل میڈیا پر انہیں تنقید کا نشانہ بنایا جارہا ہے۔
عامر لیاقت حسین نے گزشتہ روز انسٹاگرام پر ایک خصوصی اسٹوری لگائی جس میں انہوں نے اپنی سابقہ بیویوں کے ہمراہ تصاویر شیئر کیں۔
عامر لیاقت نے اپنی انسٹاگرام کی اسٹوری میں لکھا کہ ’تُم تینوں سے تو واللّہ اللّہ پوچھے گا، ہمیشہ کے لیے اللّہ حافظ۔‘
ساتھ ہی عامر لیاقت نے ان ہی تصاویر پر مشتمل ویڈیو پوسٹ بھی شیئر کی جس پر طویل کیپشن درج تھا۔
سوشل میڈیا پر رکن قومی اسمبلی کی ویڈیو وائرل ہوئی تو صارفین نے بڑی تعداد میں تبصرے کیے اور عامر لیاقت پر سخت تنقید کی۔
ایک صارف نے لکھا کہ عامر لیاقت کو طبی امداد کی ضرورت ہے جب کہ ایک اور صارف نے لکھا کہ عامر لیاقت محض سوشل میڈیا صارفین کی توجہ اپنی جانب مبذول کروانے کے لیے اس قسم کی حرکات کررہے ہیں۔
پلوشہ نامی صارف نے کہا کہ میں مسلمان ہونے کی حیثیت سے عامر لیاقت کے لیے دعا گو ہوں کہ انہیں سکون نصیب ہو، آمین۔
یاد رہے کہ تیسری اہلیہ دانیہ شاہ کے سنگین الزامات کے بعد سے اب تک عامر لیاقت حسین خبروں میں ہیں اور ساتھ ہی اُنہیں سوشل میڈیا صارفین کی جانب سے شدید تنقید کا نشانہ بھی بنایا گیا۔
مزید خبریں :
اداکارہ انمول بلوچ کا کامیاب رشتے کیلئے مداحوں کو مشورہ
20 مئی ، 2025
کیا حمزہ علی عباسی اب پی ٹی آئی کے ساتھ نہیں؟
19 مئی ، 2025
