04 جون ، 2022 
پاکستان
کفایت شعاری مہم کے تحت تمام وزارتوں میں افسران کے لیے نئی گاڑیاں لینے پر بھی پابندی کی تجویز دی گئی ہے: ذرائع/ فائل فوٹو
وزرا اور سرکاری افسران کے بجلی، گیس، ٹیلی فون کے بلوں میں کٹوتی کی تجویز
04 جون ، 2022
اسلام آباد: حکومت نے کفایت شعاری مہم پر عملدرآمد شروع کردیا۔
حکومتی ذرائع کا کہناہےکہ وفاقی کابینہ کے اراکین کے پیٹرول کوٹے پر 40 فیصد کٹوتی کی تجویز ہے جب کہ تمام وزارتوں کے سرکاری افسران کے پیٹرول کوٹے پر بھی کٹ لگانے کا فیصلہ کیا گیا ہے۔
ذرائع کے مطابق کابینہ ارکان اور سرکاری افسران کے بجلی، گیس اور ٹیلی فون بل پر بھی کٹوتی کی تجویز ہے، تمام وزارتوں میں تزئین و آرائش پر بھی پابندی کی تجویز دی گئی ہے۔
ذرائع کا بتانا ہےکہ تمام وزارتوں میں افسران کے لیے نئی گاڑیاں لینے پر بھی پابندی کی تجویز ہے۔
واضح رہے کہ پیٹرولیم مصنوعات کی قیمتوں میں بڑے اضافے کے بعد سندھ اور پنجاب نے کابینہ اراکین کے پیٹرول پر 40 اور کے پی نے 35 فیصد کٹ لگایا ہے۔
