08 جون ، 2022 
پاکستان
عمران خان کوپتا تھا کہ یہ سارا ملبہ گرنا ہے، جس کوہم کہتےہیں بارودی سرنگیں بچھاگئے: سابق وفاقی وزیر کی گفتگو— فوٹو: فائل
آئی بی نے 4 ماہ پہلے بتادیا تھا کہ آپ جارہے ہیں، عمران کو علم تھا: شیخ رشید کا انکشاف
08 جون ، 2022
سابق وفاقی وزیر داخلہ و عوامی مسلم لیگ کے سربراہ شیخ رشید نے انکشاف کیا ہے کہ مجھے انٹیلی جنس بیورو(آئی بی) نے 4 ماہ پہلے بتادیا تھا کہ آپ جارہے ہیں۔
نجی ٹی وی کو انٹرویو میں شیخ رشید کا کہنا تھاکہ عمران خان کوپتا تھا کہ یہ سارا ملبہ گرنا ہے، جس کوہم کہتےہیں بارودی سرنگیں بچھاگئے، کچھ نہ کچھ توتھا کہ عمران خان نے گیس اوربجلی کی قیمتیں 10، 10 روپے کم کیں۔
حکومت گرانے کے حوالے سے سابق وفاقی وزیر کا کہنا تھاکہ مجھے آئی بی نے 4 ماہ پہلے بتادیا تھا کہ آپ جارہے ہیں، عمران خان کوبتایا تو انہوں نے کہا کہ مجھے پہلے سے پتا ہے۔
ان کا کہنا تھاکہ میں نے دوتین ماہ انتظارکیا کہ آئی بی کی رپورٹ بعض اوقات سنی سنائی بھی ہوتی ہے۔
