10 جون ، 2022 
پاکستان
پرویزمشرف کو گزشتہ ہفتے طبیعت خراب ہونے پراسپتال منتقل کیا گیا، خاندانی ذرائع— فوٹو:فائل
اے پی ایم ایل کی پرویز مشرف کی طبیعت تشویشناک ہونے کی تردید
10 جون ، 2022
آل پاکستان مسلم لیگ (اے پی ایم ایل) نے سابق صدر و جنرل ریٹائرڈ پرویز مشرف کی طبیعت تشویشناک ہونے کی تردید کردی۔
خاندانی ذرائع کے مطابق پرویز مشرف کو گزشتہ ہفتے طبیعت خراب ہونے پر اسپتال منتقل کیا گیا۔
ذرائع کا کہنا ہے کہ پرویز مشرف کی طبیعت اب بہتر ہے۔
دوسری جانب پرویز مشرف کی جماعت آل پاکستان مسلم لیگ کے ترجمان کا کہنا ہے کہ سابق صدر دبئی میں اپنی رہائش گاہ پر زیر علاج ہیں۔
ان کا کہنا تھاکہ پرویز مشرف بیماری (امائلائیڈوسس) کیلئے زیر علاج ہیں، انتہائی نازک طبیعت سے متعلق اطلاعات درست نہیں۔
خیال رہے کہ سابق صدر طویل عرصے سے دبئی میں مقیم ہیں۔
