18 جون ، 2022 
اظہر علی تین سال بعد وائٹ بال کرکٹ میں واپسی کیلئے تیار
18 جون ، 2022
پاکستان کرکٹ ٹیم کے سابق کپتان اظہر علی تین سال بعد وائٹ بال کرکٹ میں واپسی کیلئے تیار ہیں، قومی ٹیسٹ کرکٹر اس سال رائل لندن ون ڈے کپ میں ووسٹر شائر کی نمائندگی کریں گے۔
37 سالہ اظہر علی نے آخری مرتبہ 2019 میں سمر سیٹ کی جانب سے وائٹ بال کرکٹ کھیلی تھی، 2018 میں ون ڈے کرکٹ سے ریٹائر ہونے والے اظہر علی اب صرف طویل دورانیے کی کرکٹ کھیلتے ہیں مگر اب بھی ان کا وائٹ بال کرکٹ سے لگاؤ باقی ہے، اس لیے انہوں نے اس سال اگست میں ہونیوالے کاؤنٹی ون ڈے ٹورنامنٹ ’رائل لندن کپ‘ میں ووسٹر شائر کی نمائندگی کیلئے حامی بھر لی ہے۔
اس سے قبل انہوں نے صرف کاؤنٹی چیمپئن شپ کے فرسٹ کلاس میچز کھیلنے کیلئے ووسٹر شائر کے ساتھ معاہدہ کیا تھا۔
اظہر علی کا کہنا ہے کہ وہ ایک بار پھر لسٹ اے کرکٹ کھیلنے پر خوش ہیں، کوشش ہوگی کہ اپنی کارکردگی سے کاؤنٹی ٹیم کو کامیابیاں دلوانے میں کردار ادا کریں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
