جی ایس پی پلس اسکیم میں توسیع کیلئے یورپی یونین کا مانیٹرنگ مشن پاکستان پہنچ گیا

جی ایس پی پلس اسکیم میں توسیع کیلئے یورپی یونین کا مانیٹرنگ مشن پاکستان پہنچ گیا۔

وزارت تجارت کے حکام کے مطابق مانیٹرنگ مشن 10 روزہ دورے میں انسانی حقوق، چائلڈ لیبر کا خاتمہ، لیبر رائٹس سمیت دیگر امور کا جائزہ لےگا۔

وزارت تجارت کے حکام کا کہنا ہے کہ پاکستان نے جی ایس پی پلس کے کنونشنز پر بھرپور عمل درآمد کیا ہے، جی ایس پی پلس اسکیم میں توسیع کے بعد مزید 5 کنونشنز پر عمل درآمد  کرنا ہوگا۔

حکام کا کہنا ہے کہ جی ایس پلس اسکیم کا درجہ ملنے سے یورپی یونین کو برآمدات میں اضافہ ہوا ہے۔