بہن کی شادی میں آنجہانی والد کی کمی پوری کرنے کیلئے بھائی کا انوکھا طریقہ

فوٹو:اسکرین گریب
فوٹو:اسکرین گریب

ہر بیٹی کی خواہش ہوتی ہے کہ اس کی شادی کے دن والد اس کے ساتھ ہوں لیکن والد کے انتقال کی وجہ سے  کچھ بیٹیوں کی یہ خواہش پوری نہیں ہوتی۔

 بھارتی شہر حیدرآباد میں ایک بھائی نے بہن کی شادی میں اُسے ایسا حیران کن تحفہ دیا جسے دیکھ کر سب حیران رہ گئے۔

بھارتی میڈیا کے مطابق9 جون کو حیدرآباد میں ایک شادی کے دوران سب اس وقت حیران رہ گئے جب ایک سال قبل کورونا کی وجہ سے انتقال کر جانے والے دلہن کے والد کو بیٹی کی شادی میں بیٹھے ہوئے دیکھا گیا۔

فوٹو:اسکرین گریب
فوٹو:اسکرین گریب

ہوا کچھ یوں کے بہن کی شادی میں والد کی کمی پوری کرنے کیلئے بھائی پھانی کمار نے اپنے  والد کا موم کا مجسمہ بنوایا اور اسے شادی کی تقریب میں لاکر رکھ دیا۔

والد کے مجسمے کو دیکھ کر دلہن سمیت سب گھر والے حیران اور جذباتی ہوگئے۔اسی دوران بیٹی اور والدہ نے اپنے آنجہانی والد اور شوہر کے مجسمے کے ہمراہ تصاویر بنوائیں۔

فوٹو: اسکرین گریب
فوٹو: اسکرین گریب

رپورٹس کے مطابق موم کا مجسمہ اس مہارت سے بنایا گیا تھا کہ اُسے دیکھ کر یہ کہنا مشکل ہورہا تھا کہ یہ سچ مچ کے انسان نہیں ہیں جبکہ اسے شادی کی مناسبت سے اچھے کپڑے بھی پہنائے گئے تھے۔

پھانی کمار کے مطابق والد کا مجسمہ کرناٹکا سے بنوایا گیا اور یہ ایک سال کے اندر مکمل ہوا۔

ان کا کہنا تھا کہ والد گزشتہ سال کورونا کی دوسری لہر  کے  دوران وبا میں مبتلا ہونے کی وجہ سے انتقال کرگئے تھے۔

تاہم بہن کو اپنی شادی میں والد کی کمی محسوس نہ ہو اس لیے میں نے ان کا موم کا مجسمہ بنوانے کا فیصلہ کیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM