01 جولائی ، 2022
سابق رکن قومی اسمبلی عامر لیاقت کی تیسری اہلیہ دانیہ ملک کی عدت توڑنے کے حوالے سے خبریں سوشل میڈیا پر وائرل ہیں جس کے بعد ایک بار پھر وہ سوشل میڈیا صارفین کی تنقید کی زد میں ہیں۔
انسٹاگرام پر دانیہ ملک کی ایک ویڈیو شیئر کی گئی ہے جس کے کیپشن میں دانیہ کی عدت ختم کرنے سے متعلق سوال بھی کیا گیا اور اس حوالے سے سوشل میڈیا صارفین ان پر تنقید بھی کررہے ہیں۔
ویڈیو میں دانیہ مداحوں کو اپنے نئے وی لاگ میں ڈیرہ اسماعیل خان میں موجود کسی دربار کے وزٹ سے متعلق بتاتی دیکھی جاسکتی ہیں جب کہ اس ویڈیو میں دانیہ کو گاڑی میں اپنی والدہ کے ہمراہ دربار کے لیے جاتے بھی دیکھا گیا ۔
ویڈیو وائرل ہونے پر سوشل میڈیا صارفین دانیہ پر تنقید کررہے ہیں کہ انہوں نے عدت کا وقت مکمل ہونے سے پہلے اسے ختم کردیا ہے۔
لیکن درحقیقت یہ ویڈیو کچھ ماہ پہلے کی ہے جو دانیہ کے یوٹیوب چینل پر اپریل میں اپ لوڈ کی گئی تھی۔
واضح رہے کہ عامر لیاقت کا انتقال 9 جون کو ہوا تھا جس کے بعد دانیہ ملک نے عدت میں بیٹھنے کا اعلان کیا تھا اور ان کے انسٹاگرام اکاؤنٹ سے ان کی والدہ نے چند پوسٹیں کیں۔