دلچسپ و عجیب
02 جولائی ، 2022

میکسیکو کے میئر نے مادہ مگر مچھ سے شادی کرلی

میکسیکو کے ایک قصبے کے میئر نے رنگا رنگ تقریب میں مادہ مگرمچھ سے شادی کرلی۔

غیر ملکی خبر رساں ادارے کی رپورٹ کے مطابق میکسیکو کے قصبے  سین پیڈرو ہومیلولو کے میئر وِکٹر ہوگو سوسا نے ایک پرانی رسم کے تحت مادہ مگر مچھ سے علامتی شادی کی ہے۔

وِکٹر ہوگو کی مگر مچھ سے شادی کا مقصد رتبے، دولت اور عزت میں اضافہ کرنا ہے تاہم اس شادی میں لوگوں کی بڑی تعداد نے شرکت کی۔

دراصل یہ ایک ہسپانوی رسم ہے جو کہ سیکڑوں برس پرانی ہے، لوگ ایسی شادیاں اس لیے کرتے ہیں تاکہ قدرت سے انہیں نعمتیں حاصل ہوں، یہ شادیاں پہلے سے شادی شدہ افراد بھی کرسکتے ہیں کیونکہ اس کا مقصد صرف دولت و عزت کا حصول ہوتا ہے۔

اپنی شادی سے متعلق میئر وِکٹر ہوگو سوسا نے کہا کہ ’ اس شادی کے بعد ہم قدرت سے بارشوں اور دریاؤں میں مچھلیوں کی وافر مقدار طلب کرتے ہیں‘۔

 تاہم اس میئر کی نئی نویلی دلہن مگر مچھ 7 برس کی ہے جسے ’ننھی شہزادی‘ کا نام دیا گیا ہے۔ 

یہاں یہ بات بھی قابلِ ذکر ہے کہ اس علاقے کے لوگ مگرمچھ کو اپنا دیوتا مانتے ہیں اور سمجھتے ہیں کہ اگر ہم ان سے منسلک ہوئے تو ہم پر قدرت کی رحمتیں برسیں گی۔

تصاویر دیکھیں:

فوٹو: رائٹرز
فوٹو: رائٹرز
فوٹو: رائٹرز
فوٹو: رائٹرز
فوٹو: رائٹرز
فوٹو: رائٹرز


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM