02 جولائی ، 2022 
بھارتی ریاست منی پور میں لینڈسلائیڈنگ، 18 فوجیوں سمیت 24 افراد ہلاک
02 جولائی ، 2022
بھارتی ریاست منی پور میں لینڈ سلائیڈنگ سے اب تک 24 افراد ہلاک ہوچکے ہیں۔
بھارتی خبر رساں ادارے کے مطابق ریاست منی پور کے ضلع نونے میں لینڈ سلائیڈنگ سے ہلاک ہونے والوں میں 18 فوجی اہلکار بھی شامل ہیں جب کہ 38 افراد تاحال لاپتا ہیں۔
حکام کے مطابق فوجی علاقے میں ہونے والی لینڈ سلائیڈنگ میں 13 فوجی اہلکاروں سمیت 5 عام شہریوں کو ریسکیو کیا گیا ہے۔
میڈیا رپورٹس کے مطابق فوجی کیمپ کے نزدیک لینڈ سلائیڈنگ بدھ کی رات کو ہوئی جہاں ریلوے کی کنسٹرکشن سائٹ بھی ہے، لینڈ سلائیڈنگ کے بعد علاقے میں ریسکیو کارروائیوں کےلیے فوجی اہلکار بھی حصہ لے رہے ہیں۔
سرکاری حکام کا کہنا ہےکہ علاقے میں بارشوں اور دیگر وجوہات کی بنا پر امدادی کاموں میں مشکلات کا سامنا ہے جس وجہ سے ملبے میں دبے اہلکاروں کی موجودگی کا پتا لگانے کے لیے ایک ریڈار بھی نصب کیا گیا ہے۔
منی پور کے وزیر اعلیٰ بیرن سنگھ نے جمعہ کے روز جائے حادثہ کا دورہ کیا جہاں انہوں نے ہلاک ہونے والوں کے لیے 5 لاکھ اور زخمیوں کےلیے 50 ہزار کی امدادی رقم کا اعلان کیا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
4 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
