انٹرٹینمنٹ
03 جولائی ، 2022

فیروز خان پیٹرول کی مسلسل بڑھتی قیمتوں سے متعلق مفتاح کے بیان پر سیخ پا

فوٹو: فائل
فوٹو: فائل

اداکار فیروز خان نے وزیر خزانہ مفتاح اسماعیل کے پیٹرولیم مصنوعات کی قیمتوں میں مسلسل اضافے سے متعلق دیے گئے بیان پر شدید برہمی کا اظہار کیا ہے۔

فیروز خان نے انسٹاگرام اسٹوری پر پوسٹ شیئر کی جو مفتاح اسماعیل کے پیٹرول کی قیمتوں میں حالیہ اضافے پر طنزیہ تبصرے سے متعلق ہے۔

مفتاح اسماعیل نے اپنے ایک بیان میں مزاحیہ انداز میں کہا تھا کہ 'جب بھی میں ٹیلی ویژن پر نظر آتا ہوں تو لوگ پیٹرول پمپس کی طرف بھاگنا شروع کردیتے ہیں'۔

اس بیان پر فیروز خان نے برہمی والے انداز میں لکھا کہ  'انہیں یہ بات مضحکہ خیز لگتی ہے'۔

اسکرین شاٹ/فیروز خان
اسکرین شاٹ/فیروز خان

اداکار نے مزید لکھا کہ 'مجھے یقین ہے کہ مفتاح اسماعیل کی فیملی میں سے ان کا کوئی عزیز میری یہ بات ان تک ضرور پہنچائےگا کہ جہنم میں بھاگنے کے لیے کوئی جگہ نہیں ہوگی'۔

واضح رہےکہ اس وقت ملک میں پیٹرول کی نئی قیمت 248 روپے 74 پیسے فی لیٹر، ہائی اسپیڈ ڈیزل کی قیمت 276 روپے 54 پیسے فی لیٹر، مٹی کے تیل کی نئی قیمت 230 روپے 26 پیسے فی لیٹر اور لائٹ ڈیزل آئل کی قیمت 226 روپے 15 پیسے فی لیٹر ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM