03 جولائی ، 2022 
پاکستان
فوٹو: فائل
سندھ میں 9 بجےکاروباری مراکز بندکرنےکا حکم 11 جولائی تک معطل
03 جولائی ، 2022
اسلام آباد اور پنجاب کے بعد سندھ میں بھی کاروباری اوقات کار پر پابندیوں کا حکم نامہ وقتی طور پر معطل کردیا گیا۔
محکمہ داخلہ سندھ کے مطابق یہ فیصلہ عید الاضحیٰ کی مناسبت سے کیا گیا ہے۔
محکمہ داخلہ سندھ کا کہنا ہےکہ پابندیوں کانوٹیفکیشن11جولائی کو ایک بار پھر نافذ العمل ہوگا۔
خیال رہےکہ سندھ حکومت نے توانائی بحران پرقابو پانےکے لیے 9 بجےکاروباری مراکز بند کرنےکا حکم دیا تھا۔
دوسری جانب عیدالاضحیٰ کے موقع پر وفاقی دارالحکومت اسلام آباد کی ضلعی انتظامیہ نے بھی دکانوں کی بندش سے متعلق احکامات 10 جولائی تک معطل کر دیے، جس کا نوٹیفکیشن جاری کر دیا گیا ہے۔
نوٹیفکیشن کے مطابق دکانوں کی بندش کے احکامات معطل کرنےکا فیصلہ عوام کے مفاد میں کیا گیا ہے۔
