دنیا
04 جولائی ، 2022

اتحاد ائیر ویز کی ماسکو جانے والی پرواز کی ابو ظبی میں ہنگامی لینڈنگ

روانگی کے 50 منٹ بعد طیارہ ایران کی فضائی حدود میں تھا کہ طیارے میں فنی خرابی پیدا ہوگئی/ فائل فوٹو
روانگی کے 50 منٹ بعد طیارہ ایران کی فضائی حدود میں تھا کہ طیارے میں فنی خرابی پیدا ہوگئی/ فائل فوٹو

اتحاد ائیر ویز کی ابوظبی سے ماسکو کے لیے روانہ ہونے والی پرواز نے روانگی کے ڈیڑھ گھنٹے بعد اپنے ہیڈکوارٹر ابوظبی میں ہنگامی لینڈنگ کی۔ 

ایوی ایشن ذرائع کے مطابق پرواز ای وائی 65 پیر کی صبح مقررہ وقت سے 35 منٹ تاخیر سے مقامی وقت کے مطابق صبح 4:10 پر  روس کے دارالحکومت ماسکو کے لیے روانہ ہوئی۔ 

روانگی کے 50 منٹ بعد طیارہ ایران کی فضائی حدود میں تھا کہ طیارے میں فنی خرابی پیدا ہوگئی جس پر ائیر ٹریفک کنٹرول کی ہدایت پر پائلٹ نے ابوظبی سے واپسی کا راستہ لیا۔ 

بوئنگ 9-787 ڈریم لائنر طیارہ دبئی کے قریب تھا کہ ریڈار کو صبح 5:18  پر طیارے میں ہنگامی صورتحال کے سگنل موصول ہوئے جس پر طیارے کو ممکنہ طور پر فیول ضائع کرنے کے لیے فضا میں ہولڈ کر لیا گیا۔

 بعد ازاں پرواز نے اڑان کے ایک گھنٹے 45 منٹ بعد واپس ابوظبی انٹرنیشنل ائیرپورٹ پر باحفاظت ہنگامی لینڈنگ کی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM