06 جولائی ، 2022 
ایلون مسک کروڑوں ڈالرز کس نئے طیارے کو خریدنے پر خرچ کررہے ہیں؟
06 جولائی ، 2022
ممکنہ کساد بازاری کے خیال نے دنیا کے امیر ترین شخص ایلون مسک کو ٹیسلا کے 10 فیصد ملازمین کو فارغ کرنے پر مجبور کر دیا ہے مگر اپنے لیے وہ کروڑوں ڈالرز کا نیا طیارہ ضرور خرید رہے ہیں۔
گلف اسٹریم جی 700 طیارے کی کم از کم قیمت 7 کروڑ 80 لاکھ ڈالرز ہے۔
ایک رپورٹ کے مطابق ایلون مسک اگلے سال کے شروع تک اس نئے طیارے کے مالک بن جائیں گے۔
یہ طیارہ 2015 کے گلف اسٹریم جی 650 کی جگہ لے گا جو حالیہ مہینوں میں ایک ٹوئٹراکاؤنٹ کی ٹریکنگ کی وجہ سے مشہور ہوا۔
یہ نیا طیارہ لگ بھگ 57 فٹ لمبا ہے اور ری فیول کے بغیر 7500 ناٹیکل میل کا فاصلہ طے کر سکتا ہے۔
طیارے کے اندر 5 رہائشی حصے موجود ہیں جبکہ ایک کھانے کا کمرہ ہے، مجموعی طور پر کسی فائیو اسٹار ہوٹل کی سہولیات اس میں دستیاب ہیں۔
طیارے میں 2 رولز رائس پرل جیٹ انجن موجود ہیں جو 1100 کلومیٹر فی گھنٹہ کی رفتار سے سفر کی سہولت فراہم کرتے ہیں۔
اس رفتار سے ایلون مسک نیویارک سے ٹوکیو کا سفر 12 گھنٹے میں طے کر سکتے ہیں۔
طیارے میں circadian لائٹ سسٹم موجود ہے جو سورج طلوع ہونے اور غروب ہونے جیسی روشنی بناسکتا ہے۔
اس طیارے کا اپنا وائی فائی سسٹم ہے تاکہ مسافروں کو اپنے کام کرنے میں کسی قسم کی مشکلات کا سامنا نہ ہو۔
مزید خبریں :
سانسیں روک دینے والے اس مقام کی سیر کرنا پسند کریں گے؟
25 نومبر ، 2024
دنیا کی قدیم ترین حروف تہجی پر مبنی تحریریں دریافت
24 نومبر ، 2024
لندن میں مریخ کا خوبصورت نظارہ، دیکھنے والے حیران رہ گئے
24 نومبر ، 2024
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
