06 جولائی ، 2022 
فواد چوہدری کا مریم اورنگزیب پر سگریٹ انڈسٹری کو فائدہ پہنچانے کا الزام
06 جولائی ، 2022
تحریک انصاف کے رہنما فواد چوہدری نے ن لیگ کی رہنما اور وزیر اطلاعات مریم اورنگزیب پر سگریٹ انڈسٹری کو فائدہ پہنچانے کا الزام لگادیا۔
اپنے بیان میں فواد چوہدری نے کہا کہ مریم اورنگزیب کے شوہر سگریٹ انڈسٹری کے نمائندہ ہیں، وفاقی وزیر کے کہنے پر انڈسٹری کو اربوں روپے کی ٹیکس چھوٹ ملی، تین مہینوں کے اندر بڑے بڑے اسکینڈل سامنے آرہےہیں۔
فواد چوہدری کا کہنا تھا کہ شریف خاندان کے خلاف سولر اسکینڈل کی تحقیقات ہونی چاہئیں،حکومت پے درپے ایسی حرکتیں کر رہی ہے کہ جمہوریت ختم ہی ہوجائے۔
فواد چوہدری کے الزام پر اب تک مریم اورنگزیب کا مؤقف سامنے نہیں آیا ہے۔
علاوہ ازیں رہنما تحریک انصاف شیریں مزاری کا کہنا ہے کہ گرینڈ ڈائیلاگ تو وہ کریں جو عوام کا مینڈٹ لے کرآئیں، پارلیمان میں کوئی اپوزیشن نہیں ملک کی سب سے بڑی سیاسی جماعت پارلیمنٹ سے باہر ہے۔
