10 جولائی ، 2022 
سلمان خان اس بار عید کی مبارکباد دینے مداحوں کے سامنے کیوں نہیں آئے؟
10 جولائی ، 2022
بالی وڈ اسٹار سلمان خان نے اس بار گلیکسی اپارٹمنٹ کی گیلری میں آکر مداحوں کو عید کی مبارکباد دینے کے بجائے ٹوئٹر اکاؤنٹ پر ہی مداحوں کو عیدالاضحیٰ کی مبارکباد پیش کی ہے۔
بھارتی میڈیا کے مطابق بالی وڈ اسٹار سلمان خان اس سال عید الاضحیٰ کےموقعے پر سکیورٹی وجوہات کی سبب مداحوں کے لیےگھرکی گیلری میں نہیں آ پائے اور عید کے موقع پر ان کے پرستار ان کی جھلک دیکھنے سے محروم رہے۔
بھارتی میڈیا کے مطابق لارینس بشنوئی گینگ کی جانب سے جان لیوا دھمکیوں کے بعد سلمان خان عوامی مقامات میں جانے سے بھی اجتناب کر رہے ہیں۔
میڈیا رپورٹ کے مطابق اسپیشل فورس کے 10 افسران سلمان خان کی حفاظت کے لیے ان کے گھر گلیکسی اپارٹمنٹ کے باہر تعینات کیے گئے ہیں اور ان کی رہائش گاہ کے آس پاس موجود عمارتوں پر سی سی ٹی وی کیمرے بھی نصب کیے گئے ہیں۔
بھارتی میڈیا کے مطابق فلموں کی شوٹنگ کے دوران بھی سلمان خان کی سکیورٹی پر معمور افسران فلم سیٹ پر ان کے ساتھ رہتے ہیں۔
حال ہی میں گینگ کی جانب سے سلمان خان کے وکیل کو بھی ایک خط کے ذریعے جان لیوا دھمکی دی گئی ہے۔
سکیورٹی خدشات کی بنا پربالی وڈ اسٹار نے اس بار عیدالاضحیٰ کے موقعے پر گھر کی گیلری میں آکر مداحوں کو ہاتھ ہلاکر مبارکباد دینے کے بجائے ایک ٹوئٹ پیغام کے ذریعے مبارکباد دی۔
سلمان نے اپنی ٹوئٹ میں لکھا کہ آپ سب کو عید مبارک، صحت، سکون اور خوشیوں کے ساتھ آپ سب کے لیے ڈھیروں پیار۔
سلمان خان کی اس ٹوئٹ کے جواب میں پرستاروں کی جانب سے ان کےساتھ اپنی محبتوں کا اظہار کیا گیا۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
