13 جولائی ، 2022 
پاکستان
فوٹو: فائل
اینٹی کرپشن نےکروڑوں روپےکے غبن کی تحقیقات میں شیخ رشیدکو طلب کرلیا
13 جولائی ، 2022
سرکاری فیس کی ادائیگی میں کروڑوں روپےکے غبن کی تحقیقات میں سابق وفاقی وزیر شیخ رشید کو اینٹی کرپشن پنجاب نےطلب کرلیا۔
اینٹی کرپشن حکام کے مطابق ایک ہاؤسنگ سوسائٹی کی بیچی گئی زمین کی سرکاری فیس کی ادائیگی میں خوردبردکی گئی۔ اینٹی کرپشن پنجاب نےتحقیقات کے لیے شیخ رشیدکو 15 جولائی کو طلب کیا ہے۔
اینٹی کرپشن حکام کا کہنا ہےکہ شیخ رشیدکو زمین کی فروخت کے ریکارڈ کے ساتھ اینٹی کرپشن ہیڈ آفس لاہور پیش ہونےکی ہدایت کی گئی ہے۔
اینٹی کرپشن حکام کے مطابق تحقیقات کے لیے اینٹی کرپشن نے ہاؤسنگ سوسائٹی کی انتظامیہ کوبھی طلب کیا ہے۔
