16 جولائی ، 2022 
پاکستان
پولیس نے جام کریم، جام اویس سمیت 13 ملزمان کے نام چالان سے خارج کرنے کی سفارش کی تھی— فوٹو:فائل
ناظم جوکھیو کیس، پی پی رکن اسمبلی جام عبدالکریم سمیت 10 ملزمان کے نام چالان سے خارج
16 جولائی ، 2022
جوڈیشل مجسٹریٹ ملیرکراچی نے ناظم جوکھیو قتل کیس میں پیپلز پارٹی کے رکن قومی اسمبلی جام عبدالکریم سمیت 10 ملزمان کے نام چالان سے خارج کردیے۔
جوڈیشل مجسٹریٹ ملیر نے پولیس چالان پر فیصلہ سناتے ہوئے حکم دیا کہ رکن سندھ اسمبلی جام اویس سمیت دیگر ملزمان کے خلاف کیس چلے گا۔
پولیس نے جام کریم، جام اویس سمیت 13 ملزمان کے نام چالان سے خارج کرنے کی سفارش کی تھی۔
خیال رہے کہ ناظم جوکھیو کو نومبر 2021 میں قتل کردیا گیا تھا اور واقعے کا مقدمہ میمن گوٹھ تھانے میں درج کیا گیا تھا۔
