17 جولائی ، 2022 
ویڈیو: بابر کی ٹوئٹ پر وکرانت گُپتا کا لائیو شو میں پاکستانی کپتان کو شاندار خراجِ تحسین
17 جولائی ، 2022
بابر اعظم کی بھارت کے آؤٹ آف فارم کرکٹر ویرات کوہلی کی ہمت باندھنے کے لیے کی گئی ٹوئٹ کے بھارتی میڈیا پر بھی خوب چرچے ہو رہے ہیں۔
پاکستانی سوشل میڈیا سمیت بھارتی ٹوئٹر پر بھی بابر اعظم کی خوب تعریف کی گئی، بھارتی صارفین کی جانب سے پاکستانی کپتان کے بڑے دل کو خوب سراہا گیا اور ان کے کیرئیر کے لیے دعا بھی کی گئی۔
صرف یہی نہیں بلکہ بھارت کے نامور اسپورٹس اینکر وکرانت گپتا نے بھی لائیو شو کے دوران زبردست الفاظ میں بابر اعظم کو خراجِ تحسین پیش کیا اور ان کے اس اقدام کو سراہا۔
وکرانت گپتا نے بابر اعظم کی ٹوئٹ دیکھتے ہوئے کہا کہ 'پاکستانی کپتان بابر نے ایک ٹوئٹ کی ہے جس میں انہوں نے اپنی اور ویرات کوہلی کی تصویر شیئر کی ہے اور ساتھ ہی لکھا ہے کہ یہ وقت بھی گزر جائے گا'۔
بھارتی صحافی نے کہا 'بہت بڑھیا یار بابر، باس تم نے تو دل جیت لیا، بابر اعظم یار ٹھیک ہے میں مانتا ہوں، تم ہیرو تو ہو '۔
وکرانت گپتا نے کہا کہ 'بابر نے پاکستان سے کوہلی کے لیے نیک خواہشات کا اظہار کیا ہے اور انہیں یہ احساس دلایا ہے کہ میں آپ کے ساتھ کھڑا ہوں، کیا بات کی ہے بابر اعظم، مزہ آگیا آج'، ساتھ ہی وکرانت گپتا نے سلیوٹ بھی کیا۔
انہوں نے پاکستانی کپتان سے مخاطب ہوتے ہوئے مزید کہا کہ 'آپ کی سوچ نے آج دل جیت لیا'۔
مزید خبریں :
اظہر علی کو پی سی بی میں اہم عہدہ مل گیا
4 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
