18 جولائی ، 2022 
پاکستان
فیصلہ ہوا ہے کہ 22 جولائی کو پنجاب میں حکومت بنائیں گے: سربراہ عوامی مسلم لیگ— فوٹو:فائ
عمران خان نے آئندہ الیکشن کی تیاری کا کہہ دیا، شیخ رشید
18 جولائی ، 2022
عوامی مسلم لیگ کے سربراہ شیخ رشید نے کہا ہے کہ تحریک انصاف کے چیئرمین عمران خان نے آئندہ الیکشن کی تیاری کرنے کا کہہ دیا ہے۔
تحریک انصاف کی کور کمیٹی اجلاس کے بعد میڈیا سے گفتگو میں شیخ رشید کا کہنا تھاکہ فیصلہ ہوا ہے کہ 22 جولائی کو پنجاب میں حکومت بنائیں گے اور پرویز الہٰی وزیراعلیٰ پنجاب کے امیدوار ہوں گے۔
انہوں نے کہا کہ عمران خان نے آئندہ الیکشن کی تیاری کرنے کا کہہ دیا ہے۔
خیال رہے کہ پنجاب اسمبلی کی 20 نشستوں پر ہونے والے ضمنی انتخابات میں پاکستان تحریک انصاف نے 15 اور مسلم لیگ (ن) نے 4 نشستوں پر کامیابی حاصل کی جبکہ ایک نشست آزاد امیدوار کے حصے میں آئی۔
