21 جولائی ، 2022 
جو بائیڈن کا کینسر سے متعلق بیان، وائٹ ہاؤس نے وضاحت کردی
21 جولائی ، 2022
امریکی صدر جو بائیڈن نے بدھ کے روز ایک تقریب میں کہا کہ انہیں کینسر ہے، تاہم وائٹ ہاؤس کی جانب سے اس بیان کی فوری وضاحت سامنے آگئی۔
رپورٹس کے مطابق گزشتہ روز امریکی صدر گلوبل وارمنگ اور موسمیاتی تبدیلی کے بارے میں تقریر کر رہے تھے،جس میں انہوں نے اپنے آبائی علاقے کلے مونٹ کے قریب آئل ریفائنریز سے اخراج ہونے والی گیسز کے اثرات بیان کیے۔
جو بائیڈن نے کہا کہ 'آئل ریفائنریز سے اخراج ہونے والی گیسز سے مجھے اور بہت سے دوسرے افراد جن کے ساتھ میں بڑا ہوا،کینسر میں مبتلا ہیں اور سوال کیا کہ کیوں طویل عرصے تک امریکی ریاست دیلاویئر میں کینسر کی شرح سب سے زیادہ تھی؟'
امریکی صدر کے اس بیان کے بعد میڈیا پر جو بائیڈن کی صحت کے حوالے سے تشویش پیدا ہوگئی۔
تاہم بعد ازاں وائٹ ہاؤس کے ترجمان اینڈریو بیٹس نے واشنگٹن پوسٹ کے کالم نگار گلین کیسلر کی بائیڈن کے جلد کے کینسر کے حوالے سے کی گئی ٹوئٹ کو ری ٹوئٹ کیا۔
ٹوئٹ میں کہا گیاکہ امریکی صدر جوبائیڈن عہدہ سنبھالنے سے قبل جلد کے کینسر میں مبتلا تھے تاہم وہ اس سے مکمل طور پر صحت یاب ہوچکے۔
وائٹ ہاؤس کے مطابق امریکی صدر تقریر کے دوران کئی سال قبل خود میں جلد کے کینسر کی تشخیص کے حوالے سے بات کر نا چارہے تھے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
