25 جولائی ، 2022 
کراچی میں شدید بارشیں، گرین لائن بس سروس آج بھی معطل رہیگی
25 جولائی ، 2022
کراچی میں اتوار کو دن بھر جاری رہنے والی موسلادھار بارش میں شام گئے شدت کے بعد پیدا صورتحال کے باعث گرین لائن بس سروس آج بھی معطل رہے گی۔
گرین لائن بس سروس آپریشن اتوارکی رات مقررہ وقت سے پہلے ہی معطل کر دیا گیا تھا۔
ترجمان بی آر ٹی ایس کے مطابق بارش میں تیزی اور مسافروں کی حفاظت کو یقینی بناتے ہوئے بی آر ٹی ایس کا آپریشن اتوار کی رات معمول کے وقت سے ایک گھنٹہ پہلے معطل کردیا گیا تھا تاہم رات گئے تک گرین لائن بس سروس کا روٹ بیشتر مقامات پر زیر آب ہونے اور آج پیرکو بھی بارش کی پیشن گوئی کی وجہ سے گرین لائن بس سروس پیرکی صبح بھی معطل رکھنےکا اعلان کیا گیا ہے۔
ترجمان کے مطابق ایسا مسافروں کی حفاظت کے پیش نظرکیا گیا ہے۔
واضح رہےکہ گرین لائن بس سروس رات 10بجے کے بعد بند کر دی جاتی ہے لیکن اتوار کو شدید بارش کی وجہ سے گرین لائن بس آپریشنز ایک گھنٹہ قبل معطل کردیا گیا۔
