26 جولائی ، 2022 
سلمان خان بگ باس کے سیزن 16 کیلئے کتنا معاوضہ لیں گے؟
26 جولائی ، 2022
معروف رئیلیٹی شو بگ باس کا سیزن 16 ستمبر سے شروع ہوگا جس کےلیے سلمان خان کے معاوضے سے متعلق تفصیلات سامنے آئی ہیں۔
بگ باس انتظامیہ ہر نئے سیزن کیلئے شرکا سمیت ڈریسنگ تک میں تبدیلی پر غور کرتی آئی ہے لیکن سلمان خان اس شو کا ایک ایسا خاص انتخاب ہیں جنہیں کبھی تبدیل نہیں کیا جاسکا اور نہ ہی آگے سیزن کے لیے کوئی ایسی تبدیلی زیر غور ہے۔
لیکن کیا آپ جانتے ہیں کہ اس بار سلمان خان بگ باس کے سیزن 16 کے لیے کتنا معاوضہ لیں گے۔
بھارتی میڈیا کے مطابق 13 سال سے بگ باس سے منسلک سلمان خان نے سیزن 16 کے لیے ایک ہزار کروڑ بھارتی روپے کا مطالبہ کیا ہے۔
رپورٹ میں بتایا گیا ہے کہ سلمان خان نے انتظامیہ سے معاوضے میں 3 گنا اضافے کا مطالبہ کیا ہے اور وہ اٹل ہیں کہ جب تک ان کے معاوضے میں 3 گنا اضافہ نہیں کیا جاتا وہ شو کی میزبانی کی تصدیق نہیں کریں گے۔
کہا جارہا ہے کہ اگر رپورٹس درست ہیں تو بگ باس 16 کے لیے سلمان خان کا معاوضہ 1050 کروڑ روپے ہو سکتا ہے کیونکہ پچھلے سیزن میں ان کا معاوضہ تقریباً 350 کروڑ روپے تھا۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
