26 جولائی ، 2022 
کامن ویلتھ گیمز: قومی ہاکی ٹیم کے دوکھلاڑیوں کا کووڈ ٹیسٹ مثبت آگیا
26 جولائی ، 2022
کامن ویلتھ گیمز کی ویلکم اور پرچم کشائی کی تقریب بدھ27 جولائی کو منعقد ہوگی جبکہ افتتاحی تقریب 28 جولائی کو الیگزینڈرا اسٹیڈیم برمنگھم میں ہوگی۔
گیمز میں شرکت کیلئے پاکستان کی ہاکی، کرکٹ، باکسنگ، ٹیبل ٹینس، ایتھلیٹکس، اسکوش اور سوئمنگ کی ٹیمیں اور پیرا ایتھلیٹ برمنگھم پہنچ گئے ہیں۔
گیمز کیلئے بنائے گئے چاروں ولیجز میں ایس او پیز پر مکمل عمل درآمد کرایا جارہا ہے۔
ڈوپنگ کنٹرول آفیسر نے پاکستان ہاکی ٹیم کے دو اور سوئمنگ کے ایک کھلاڑی کا ڈوپ ٹیسٹ لیا ہے۔
قومی ہاکی ٹیم کے دوکھلاڑیوں کا کووڈ ٹیسٹ مثبت آیا ہے جنہیں آئسولیٹ کردیا گیا ہے۔
دریں اثناء پاکستان اولمپک ایسوسی ایشن (پی او اے) کے سیکرٹری جنرل محمد خالد محمود نے کامن ویلتھ گیمز کیلئے برمنگھم میں بنائے گئے چاروں ولیجز کا دورہ کیا اور مختلف ٹیموں کے کھلاڑیوں اور آفیشلزسے ملاقات کی۔
اس موقع پر قومی دستے کے چیف ڈی مشن محمد عابد قادری گیلانی اور ڈپٹی سی ڈی ایم میجر (ر) ماجد وسیم نے کھلاڑیوں کی رہائش سمیت دیگر انتظامات کے حوالے سے سیکرٹری جنرل پی او اے کو بریفنگ دی۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
