02 اگست ، 2022 
رحیم یار خان: مدرسے کے استاد کی کئی بچوں سے زیادتی کی تصدیق
02 اگست ، 2022
رحیم یار خان کے ایک مدرسے میں استاد کی کئی بچوں سے مبینہ زیادتی ثابت ہو گئی۔
پولیس کے مطابق مدرسے میں بچوں سے مبینہ زیادتی کا واقع تھانہ صدر صادق آباد کے علاقے بھٹہ واہن میں پیش آیا، متاثرہ بچوں کی عمریں 10 سے 12 سال کے درمیان ہیں۔
متاثرہ بچوں نے میڈیا کو بتایا کہ قاری صاحب نے اب تک 6 بچوں سے زیادتی کی اور دھمکایا کہ زیادتی کے بارے میں گھر والوں کو بتایا تو جان سے مار دوں گا۔
ورثاء کا کہنا ہے بچوں کے بتانے پر معلوم ہوا کہ مدرسے کے معلم نے زیادتی کا نشانہ بنایا، اس لیے پڑھنے نہیں جاتے، ورثاء نے ملزم کو گرفتار کرکے سخت کارروائی کا مطالبہ کیا ہے جبکہ دوسری جانب اہل علاقہ کا کہنا ہے کہ ایسے استاد کو پھانسی پر لٹکا دینا چاہیے۔
پولیس نے متاثرہ بچوں کو میڈیکل کے لیے تحصیل اسپتال منتقل کیا جہاں 3 بچوں کے ساتھ زیادتی کی تصدیق ہوئی۔
پولیس کا کہنا بچوں سے زیادتی کے الزام کے بعد مدرسے کا استاد علاقے سے فرار ہو گیا، استاد کے خلاف مقدمہ درج کر کے اس کی گرفتاری کے لیے چھاپے مارے جا رہے ہیں۔
