03 اگست ، 2022 
پاکستان
مانسہرہ اور پشاور سمیت مختلف علاقوں میں تیزہواؤں کے ساتھ بارش کا امکان ہے/ فائل فوٹو
کراچی سمیت مختلف شہروں میں ہلکی بارش کا امکان
03 اگست ، 2022
محکمہ موسمیات نے آئندہ 24 گھنٹوں کے دوران مختلف شہروں میں ہلکی بارش کا امکان ظاہر کیا ہے۔
محکمہ موسمیات کےمطابق آئندہ 24 گھنٹوں میں لاہور اور ملتان میں بارش کا امکان ہے جب کہ خیبرپختونخواکے بیشتر اضلاع میں مطلع جزوی ابرآلود رہے گا۔
محکمہ موسمیات کا بتانا ہےکہ سندھ کے بیشتر اضلاع میں موسم گرم اور مرطوب رہنے کا امکان ہے جب کہ کراچی میں ہلکی بارش ہوسکتی ہے۔
اس کے علاوہ مانسہرہ اور پشاور سمیت مختلف علاقوں میں تیزہواؤں کے ساتھ بارش کا امکان ہے۔
ادھر گلگت بلتستان میں مطلع ابرآلود اور تیز ہواؤں،گرج چمک کے ساتھ بارش کا امکان ہے جب کہ کشمیر میں بھی تیز ہواؤں کے ساتھ بارش برس سکتی ہے۔
