03 اگست ، 2022 
ایشین باکسنگ فیڈریشن کے مقابلوں میں پاکستانی باکسرز نے بھارتی باکسرز کو دھو ڈالا
03 اگست ، 2022
تھائی لینڈ میں ہونے والے ایشین باکسنگ فیڈریشن کے پروفیشنل مقابلوں میں پاکستانی باکسرز نے شاندار کارکردگی کا مظاہرہ کرتے ہوئے 3 ٹائٹل اپنے نام کرلیے۔
پاکستانی باکسر تیمور خان نے ایشین باکسنگ فیڈریشن کا ہیوی ویٹ ٹائٹل جیت لیا، تیمور خان نے بھارتی باکسر ویدانت اگروال کو شکست دے کر ٹائٹل اپنے نام کیا۔
ہیوی ویٹ ٹائٹل کے لیے پاکستان کے تیمور خان اور بھارتی باکسر رنگ میں اترے تو تیمور خان نے بھارتی باکسر پر مکوں کی برسات کردی اور وہ چند راؤنڈز کے بعد ٹیکنیکل ناک آؤٹ ہوگئے ۔
ایشین باکسنگ فیڈریشن کے مڈل ویٹ ٹائٹل کا مقابلہ بھی پاکستان کے شہیر آفریدی اور بھارتی باکسر اسرار عثمانی کے درمیان ہوا۔
سندھ پولیس سے تعلق رکھنے والے شہیر آفریدی باکسنگ رنگ میں اترے تو چند منٹوں میں ہی بھارتی باکسر کو دھو ڈالا اور انہیں سنبھلنے کا موقع ہی نہیں دیا۔
شہیر آفریدی نے پہلے ہی راؤنڈ میں بھارتی باکسر کو ناک آؤٹ کردیا ، یوں ایشین باکسنگ فیڈریشن کے مڈل ویٹ کا ٹائٹل بھی پاکستان کے نام رہا۔
کراچی کے علاقے لیاری سے تعلق رکھنے والے نادر بلوچ نے تھائی باکسر کو شکست دے کر ایشین باکسنگ فیڈریشن کونٹینینٹل ٹائٹل اپنے نام کیا۔
پاکستان پروفیشنل باکسنگ کونسل کے سیکرٹری کلیم آزاد کا کہنا ہےکہ پاکستانی باکسروں نے زبردست کامیابی حاصل کی ہے، ان کا پاکستان واپسی پر شاندار استقبال کیا جائے گا۔
مزید خبریں :
سابق بھارتی کرکٹر کی طبیعت خراب، اسپتال میں داخل
4 گھنٹے پہلے
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
