04 اگست ، 2022 
پاکستان
ڈپٹی ناظم امتحانات کو تحقیقات کیلئے کل طلب کرلیا گیا— فوٹو: فائل
محکمہ اینٹی کرپشن کی میٹرک بورڈ کراچی میں کارروائی، امتحانات کے نتائج کا ریکارڈ ضبط
04 اگست ، 2022
محکمہ اینٹی کرپشن کی ٹیم نے میٹرک بورڈ کراچی میں کارروائی کرتے ہوئے گزشتہ امتحانات کے نتائج کا ریکارڈ ضبط کرلیا اور ڈپٹی ناظم امتحانات کو تحقیقات کیلئے کل طلب کرلیا۔
اینٹی کرپشن ٹیم نے میٹرک بورڈ کراچی کے آفس میں کارروائی کی اور ڈپٹی ناظم امتحانات کےدفتر میں ملازمین سے پوچھ گچھ کی۔
کارروائی کے وقت چیئرمین و ناظم امتحانات آفس میں موجودنہ تھے، بورڈ حکام سے گزشتہ سال ہونے والے امتحانات کا رکارڈ طلب کیاگیا۔
اینٹی کرپشن حکام میٹرک بورڈ آفس سے ریکارڈ اوردستاویزات لے کے چلے گئے اور مزید تحقیقات کیلئے ڈپٹی ناظم امتحانات کو کل طلب کرلیا گیا۔
