یو اے ای: ڈرائیورز کے رویئے اور میٹر کی نگرانی کرنیوالی اسمارٹ ٹیکسی متعارف

پہلی اسمارٹ ٹیکسی شارجہ میں متعارف کرائی گئی جو جدید ٹیکنالوجی سے آراستہ ہے: میڈیا رپورٹس/ فائل فوٹو
پہلی اسمارٹ ٹیکسی شارجہ میں متعارف کرائی گئی جو جدید ٹیکنالوجی سے آراستہ ہے: میڈیا رپورٹس/ فائل فوٹو

متحدہ عرب امارات میں اسمارٹ ٹیکسی متعارف کرائی گئی ہے جس کے ذریعے ڈرائیورز کے مسافروں سے رویئے اور کرائے کے میٹر کی نگرانی کی جاسکے گی۔

خلیجی میڈیا کےمطابق یہ پہلی اسمارٹ ٹیکسی شارجہ میں متعارف کرائی گئی جو جدید ٹیکنالوجی سے آراستہ ہے۔

اس اسمارٹ ٹیکسی میں سینسر،کیمرا اور موبائل ڈیٹا یونٹ کو ایک سسٹم کے ساتھ جوڑا گیا ہے، مصنوعی ذہانت کی مدد سے اسمارٹ ٹیکسی کو گاڑیوں کے آپریشنز اور حفاظت کے ساتھ استعمال کرنے کے مقصد سے شروع کیا گیا ہے۔

انتظامیہ کا کہنا ہےکہ یہ نظام ٹریفک کے بہاؤ کو منظم کرنے، اہم مقامات تک رسائی کو آسان بنانے اور  ڈرائیور کے رویئے پر نظر رکھنےکے ساتھ ساتھ میٹر میں ہیرا پھیری کو کم کرنے میں مدد گار  ثابت ہوگا۔

انتظامیہ نے مزید کہا کہ اس مصنوعی ذہانت کی وجہ سے گاڑی کا درجہ حرارت اور اس کے پرزوں کی حالت کے حوالے سے بھی معلومات میسر آسکیں گی۔

انتظامیہ نے اسمارٹ ٹیکسیوں کے سڑکوں پر آنے کی حتمی تاریخ کا اعلان نہیں کیا  ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM