05 اگست ، 2022 
پاکستان
موبائل فون سروس کی بندش کا فیصلہ سکیورٹی خدشات کے پیش نظر کیا ہے: محکمہ داخلہ بلوچستان— فوٹو: فائل
کوئٹہ میں 7، 9 اور 10 محرم کو موبائل فون سروس معطل رکھنے کا فیصلہ
05 اگست ، 2022
کوئٹہ سمیت صوبہ بلوچستان کے دیگر شہروں میں سکیورٹی وجوہات کے باعث 7، 9 اور 10محرم کو موبائل فون سروس معطلی کا فیصلہ کیا گیا ہے۔
محکمہ داخلہ بلوچستان کے مطابق کوئٹہ کے علاوہ بولان، جعفر آباد اور جھل مگسی میں بھی موبائل فون سروس بند رکھی جائے گی۔
محکمہ داخلہ کا کہنا ہے کہ موبائل فون سروس صبح 6 بجے سے رات 12 بجے تک بند رہےگی اور موبائل فون سروس کی بندش کا فیصلہ سکیورٹی خدشات کے پیش نظر کیا ہے۔
