07 اگست ، 2022
پاکستانی اداکار شہزاد شیخ کی ایک مداح نے ان سے انڈسٹری میں آتے ہی شادی کرنے سے متعلق سوال کر ڈالا۔
اداکار شہزاد شیخ اداکارہ اور بہن مومل شیخ کے ہمراہ جیو نیوز کے پروگرام ’ہنسنا منع ہے‘ میں شریک ہوئے جس دوران انھوں نے مختلف موضوعات پر گفتگو کی۔
دوران شو ایک مداح لڑکی نے شہزاد شیخ کو سر کہہ کر مخاطب کیا جس پر شہزاد شیخ نے ٹوکا، جس کے بعد لڑکی نے شہزاد مخاطب کرتے ہوئے ان سے جلد شادی سے متعلق سوال کیا، جواب میں شہزاد شیخ کا کہنا تھا کہ مجھے لگا کہ وقت آگیا ہے شادی کر لینی چاہیے جس کے بعد میں نے شادی کر لی۔
بعد ازاں تابش ہاشمی کے سوال پر شہزاد شیخ نے بتایا کہ ان کی عمر اس وقت 28 سال ہے اور انھوں نے 20 سال کی عمر میں شادی کی تھی۔