پاکستان اور ترکیہ کے درمیان تجارتی معاہدہ طے پاگیا

پاکستان اور ترکیہ کے درمیان تجارتی معاہدہ طے پاگیا، ترک وزیرِ تجارت ڈاکٹر محمد ایم یو ایس اور نوید قمر نے معاہدے پر دستخط کیے۔

وزیراعظم شہباز شریف نے کہا کہ یہ معاہدہ 5 ارب ڈالر کا ابتدائی تجارتی ہدف حاصل کرنے میں اہم ثابت ہوگا، تجارتی معاہدے سے نئی راہیں کھلیں گی۔

نوید قمر کہتے ہیں کہ معاہدے سے پاکستان اور ترکیہ کی معیشت مستحکم ہوگی۔

ترک وزیر تجارت نے بھی پاکستان کے ساتھ دو طرفہ تجارتی تعلقات کے فروغ کی خواہش کا اظہار کیا۔