15 اگست ، 2022 
کھیل
109+ کلو گرام کیٹیگری میں نوح کی چوتھی پوزیشن رہی۔ کامن ویلتھ گیمز کے گولڈ میڈلسٹ اسلامی یکجہتی گیمز میں فارم میں نہ رہے— فوٹو: فائل
اسلامی یکجہتی گیمز میں ویٹ لفٹر نوح دستگیر بھی میڈل نہ جیت سکے
15 اگست ، 2022
اسلامی یکجہتی گیمز میں ویٹ لفٹر نوح دستگیر بٹ بھی میڈل نہ جیت سکے۔
109+ کلو گرام کیٹیگری میں نوح کی چوتھی پوزیشن رہی۔ کامن ویلتھ گیمز کے گولڈ میڈلسٹ اسلامی یکجہتی گیمز میں فارم میں نہ رہے۔
نوح دستگیر بٹ نے اسنیچ میں 162 اور کلین اینڈ جرک میں 216 کلو وزن اٹھایا۔
ان کہ اسنیچ میں 170 اور کلین اینڈ جرک میں 226 کلو وزن اٹھانے کی کوششیں ناکام رہیں۔
ذرائع کا کہنا ہے کہ نوح دستگیر بٹ نے خراب صحت کے باوجود مقابلوں میں حصہ لیا، پاکستانی ویٹ لفٹر کو گلے میں انفیکشن کی وجہ سے بخار بھی ہے۔ نوح دستگیر کو اسنیچ کی لفٹ کے دوران ہاتھ پر چوٹ بھی لگی۔
