15 اگست ، 2022 
پاکستان
لیٹر کے جائزے کے بعد آئی ایم ایف آج ہی پاکستان کومعاہدے کاحتمی مسودہ بھجوائےگا: وزارت خزانہ— فوٹو: فائل
آئی ایم ایف سے معاہدے کی تمام رکاوٹیں دور، پاکستان نے اظہارِ آمادگی کا خط بھجوا دیا
15 اگست ، 2022
پاکستان اورعالمی مالیاتی فنڈ (آئی ایم ایف) کے درمیان معاہدے کی تمام رکاوٹیں دور ہوگئیں۔
وزارت خزانہ کے مطابق پاکستان نے معاہدے پر اظہار آمادگی کا خط آئی ایم ایف کو بھجوا دیا ہے اور آئی ایم ایف پاکستان کی طرف سے فراہم کردہ ڈیٹا کا جائزہ لے گا۔
وزارت خزانہ کا کہنا ہے کہ لیٹر کے جائزے کے بعد آئی ایم ایف آج ہی پاکستان کو معاہدے کا حتمی مسودہ بھجوائے گا اور جائزے کے بعد قائم مقام گورنراسٹیٹ بینک اور وزیرخزانہ حتمی مسودے پردستخط کریں گے۔
ذرائع کے مطابق آئی ایم ایف کے ایگزیکٹو بورڈ کا اجلاس 29 اگست کو منعقد ہونے کا امکان ہے۔
