16 اگست ، 2022
مقبوضہ کشمیر میں قابض بھارتی سکیورٹی فورسزکی بس کھائی میں گرنےسے7 اہلکار ہلاک اور 30 سے ز ائد زخمی ہوگئے۔
بھارتی میڈیا کے مطابق بھارتی فورسز کی بس اہلکاروں کو لےکر ضلع اسلام آباد سے سری نگر جا رہی تھی۔
بس میں انڈو تبتن بارڈر پولیس ( آئی ٹی بی پی) کے 37 اور اور مقبوضہ کشمیر پولیس کے 2 اہلکار سوار تھے جو کہ امرناتھ یاترا کے مقام سے ڈیوٹی ختم کرکے واپس آرہے تھے۔
غیر ملکی میڈیا کے مطابق حادثے میں زخمی ہونے والے 7 اہلکاروں کی حالت تشویش ناک ہے جس کے باعث ہلاکتوں میں اضافےکا خدشہ ہے۔