17 اگست ، 2022 
سندھ میں شدید بارشیں: کل ہونے والے امتحانات ملتوی
17 اگست ، 2022
سندھ میں شدید بارشوں کی وجہ سے حیدر آباد میں کل عام تعطیل کا اعلان کردیا گیا ہے جبکہ کراچی میں انٹربورڈ نے کل ہونے والے تمام امتحانات ملتوی کردیے ہیں۔
کراچی انٹر بورڈ کی جانب سے جاری بیان میں کہا گیا ہے کہ کل کے تمام امتحانات ملتوی کردیے گئے ہیں، ملتوی پرچے 25 اگست کو ان ہی امتحانی مراکز پر شیڈول اور وقت پر لیے جائیں گے۔
اعلامیے کے مطابق عملی امتحانات ری شیڈول کرنے کیلئے کالجوں کو ہدایت جاری کردی گئی ہیں۔
اعلامیے کے مطابق آرٹس ریگولر و پرائیویٹ اور خصوصی امیدواروں کے پرچے اور عملی امتحانات ملتوی کیے گئے ہیں۔
علاوہ ازیں مہران یونیورسٹی اور شہید ذوالفقارعلی بھٹو کیمپس خیرپور بھی کل بند رہیں گے۔
حیدرآباد میں بھی جامعات میں شیڈول مڈٹرم/سپلیمنٹری امتحانات ملتوی کردیے گئے ہیں،نئی تاریخ کا اعلان جلد کیاجائے گا۔
