23 اگست ، 2022 
پاکستان ویمن کرکٹ ٹیم کے ہیڈ کوچ ڈیوڈ ہیمپ کا عہدے سے سبکدوش ہونے کا فیصلہ
23 اگست ، 2022
پاکستان ویمن کرکٹ ٹیم کے ہیڈ کوچ ڈیوڈ ہیمپ نے اپنے عہدے سے سبکدوش ہونے کا فیصلہ کیا ہے، وہ اکتوبر میں معاہدہ ختم ہونے کے بعد پاکستان ٹیم کے ساتھ مزید کام جاری نہیں رکھیں گے۔
پاکستان کرکٹ بورڈ کے ترجمان کے مطابق ڈیوڈ ہیمپ اکتوبر کے بعد پاکستان ویمن کرکٹ ٹیم کی کوچنگ جاری نہیں رکھیں گے، ان کے متبادل کا اعلان جلد کیا جائے گا۔
ڈیوڈ ہیمپ کو پی سی بی نے دو سال کیلئے کوچ مقرر کیا تھا، ان کا معاہدہ اکتوبر میں ختم ہوجائے گا۔
ڈیوڈ ہیمپ نے کہا کہ انہوں نے پاکستان میں کام کافی انجوائے کیا لیکن ان کیلئے فیملی سے دور رہنا کافی مشکل ہوچکا تھا اس لیے انہوں نے کام جاری نہ رکھنے کا مشکل فیصلہ کیا ہے۔
ان کا کہنا تھا کہ بطور ہیڈ کوچ انہوں نے پاکستان ویمن ٹیم کو بہتر کرنے کی پوری کوشش کی، گوکہ نتائج اس محنت کے عکاس نہ تھے جو پلیئر نے کی تاہم وہ اپنی کارکردگی سے مطمئن ہیں۔
انہوں نے کہا فاطمہ ثنا کا ابھر کر سامنے آنا مثبت رہا، امید ہے اور نوجوان پلیئرز بھی سامنے آئیں گی۔
پی سی بی ویمن ونگ کی سربراہ تانیہ ملک نے کہا کہ ڈیوڈ ہیمپ جیسے کوچ کی خدمات سے محروم ہونا افسوس کی بات ہے، پاکستان ویمن ٹیم کیلئے ان کی خدمات پر پی سی بی ویمن ونگ ان کا شکریہ ادا کرتا ہے۔
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
