26 اگست ، 2022 
ویڈیو: انڈین پلیئرز کی انجرڈ شاہین آفریدی سے ملاقات، خیریت دریافت کی
26 اگست ، 2022
ایشیا کپ کیلئے خطے کی ٹاپ ٹیمیں اس وقت دبئی میں جمع ہیں اور اس دوران روایتی حریف پاکستان اور بھارت کے کرکٹرز کی آپس میں ملاقاتیں بھی ہورہی ہیں۔
جمعرات کو ٹاپ انڈین پلیئرز نے انجری کا شکار فاسٹ بولر شاہین آفریدی سے ملاقات کی اور ان کی خیریت دریافت کی۔
ایشیا کپ کرکٹ ٹورنامنٹ 27 اگست سے شروع ہورہا ہے جس کیلئے پاکستان اور بھارت سمیت 6 ٹیمیں دبئی میں موجود ہیں۔
ایونٹ کیلئے پاکستان ٹیم کو شاہین آفریدی کی خدمات حاصل نہیں تاہم وہ ری ہیب کیلئے ٹیم کے ساتھ ہیں۔
گزشتہ روز ٹریننگ سیشن کے دوران شاہین آفریدی جب آرام کر رہے تھے تو انڈین ٹیم کے کھلاڑی ان سے ملنے آگئے۔
ویرات کوہلی، شریاس ایئر، یوزویندرا چاہال،رشبھ پنٹ اور کے ایل راہول نے شاہین سے ملاقات کرکے ان سے فٹنس کا پوچھا اور جلد واپسی کیلئے نیک خواہشات کا اظہار کیا۔
اس موقع پر دونوں ٹیموں کے کوچنگ اسٹاف کے درمیان بھی خوشگوار ملاقات رہی۔ گزشتہ روز بابر اعظم اور کوہلی کی ملاقات کو بھی دنیا بھر کے کرکٹ فینز نے سراہا تھا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
