26 اگست ، 2022 
پاکستان
متاثرہ علاقوں میں زمینی رابطےکٹ جانےکےباعث یہ اقدام اٹھایا گیا تاکہ متاثرین تک پہنچا جاسکے— فوٹو: فائل
سیلاب سے متاثرہ علاقوں میں زیرو بیلنس پرکال کی سہولت دی جائے: وزیراعظم کی ہدایت
26 اگست ، 2022
وزیراعظم شہبازشریف نے سیلاب سے متاثرہ علاقوں میں عوام کوموبائل فون کی سہولت سے متعلق بڑا فیصلہ کیا ہے۔
موبائل کمپنیاں سیلاب سے متاثرہ علاقوں میں زیرو بیلنس پر بھی کال کی سہولت دیں گی اور اس حوالے سے وزیراعظم نے آئی ٹی وزارت کو فوری اقدامات کرنے کی ہدایت کی ہے۔
وزیراعظم نے چیئرمین پی ٹی اےکو کل تک سیلاب متاثرہ علاقوں میں سہولت فراہم کرنےکی ہدایت کی ہے۔
متاثرہ علاقوں میں زمینی رابطےکٹ جانےکےباعث یہ اقدام اٹھایا گیا تاکہ متاثرین تک پہنچا جاسکے۔
