27 اگست ، 2022 
کھیل
نویں سے بارہویں پوزیشن کے پلے آف میں پاکستان نے قطر کو تین ۔ صفر سے شکست دی— فوٹو: جیو نیوز
ایشین انڈر 20 والی بال: پاکستان نے نویں پوزیشن کے میچ کیلئے کوالیفائی کرلیا
27 اگست ، 2022
ایشین انڈر 20 والی بال چیمپئن شپ میں پاکستان نے قطر کو شکست دے کر نویں پوزیشن کے میچ کیلئے کوالیفائی کرلیا ہے جس میں اس کا مقابلہ عراق سے ہوگا۔
ایشین انڈر 20 والی بال چیمپئن شپ بحرین کے شہر رفاع میں جاری ہے ۔ نویں سے بارہویں پوزیشن کے پلے آف میں پاکستان نے قطر کو تین ۔ صفر سے شکست دی۔
پاکستان نے ابتدائی دو سیٹس تو بآسانی 25-19 اور 25-16 سے جیتے مگر تیسرے سیٹ میں اس کو ٹف ٹائم ملا تاہم تیسرا سیٹ بھی 27-25 سے پاکستان کے نام رہا۔
نویں سے بارہویں پوزیشن کے پلے آف میں کامیابی کے بعد اب پاکستان ٹیم نویں پوزیشن کا میچ عراق کے خلاف کھیلے گی، یہ میچ اتوار کی صبح بحرین کے وقت کے مطابق ساڑھے گیارہ بجے ہوگا۔
