01 ستمبر ، 2022
بھارتی کپتان روہت شرما نے متحدہ عرب امارات میں جاری ایشیا کپ ٹی ٹوئنٹی ٹورنامنٹ میں ہانگ کے خلاف کامیابی حاصل کرنے کے بعد سابق کپتان ویرات کوہلی کو پیچھے چھوڑ دیا۔
روہت شرما سابق بھارتی کپتان ویرات کوہلی کو پیچھے چھوڑتے ہوئے بھارت کی جانب سے دوسرے سب سے زیادہ ٹی ٹوئنٹی انٹرنیشنل میچز جیتنے والےکپتان بن گئے۔
بھارت کی جانب سے سب سے زیادہ ٹی ٹوئنٹی انٹرنیشنل میچز جیتنے کا ریکارڈ سابق کپتان دھونی کے پاس ہے۔
دھونی کی کپتانی میں بھارت نے 72 میں سے 41 میچز جیتے۔
ہانگ کانگ کے خلاف کامیابی کے بعد روہت شرما نے37 میں سے 31 میچز جیت لیے جبکہ ویرات کوہلی کی کپتانی میں بھارت نے 50 میں سے 30 میچز اپنے نام کیے تھے۔
واضح رہے کہ گزشتہ روز ایشیا کپ ٹی ٹوئنٹی ٹورنامنٹ کے گروپ اے کے میچ میں بھارت نے ہانگ کانگ کو 40 رنز سے شکست دے کر سپر فور مرحلے میں جگہ بنالی۔