01 ستمبر ، 2022 
بابر اعظم کو خط لکھنے والے ننھے فین کی خواہش کیسے پوری ہوئی؟
01 ستمبر ، 2022
پاکستان کر کٹ ٹیم کے کپتان بابر اعظم کو خط لکھنے والے ننھے فین کی خواہش پوری ہو گئی۔
8 سالہ ہارون سوریا نے ورلڈ کپ کے بعد بابر اعظم کو خط لکھا تھا، ننھے مداح نے بابر اور ٹیم کے کھلاڑیوں کے آٹو گراف کی خواہش ظاہر کی تھی۔
بعدازاں بابر اعظم نے سوشل میڈیا پر ننھے فین سے آٹوگراف کا وعدہ کیا تھا اور اب کپتان نے ہارون سوریا کو آٹو گراف بھی دیا اور ٹیم کے دیگر کھلاڑیوں سے ملاقات بھی کروائی۔
ایشیا کپ میں ٹریننگ کے دوران بابر اعظم نے ہارون سے ملاقات کی اور پاکستان ٹیم کی جانب سے ہارون سوریا کو آٹو گراف والے بیٹ کا تحفہ بھی دیا۔
اس کے علاوہ کھلاڑیوں نے ٹریننگ جرسی پر بھی آٹوگراف کر کے ننھے فین کو تحفہ دیا۔
بابر اعظم نے سوشل میڈیا پر گردش کرنے والے خط پر شکریہ ادا کیا تھا اور ہارون سے آٹو گراف لینے کا کہا تھا۔
