06 ستمبر ، 2022 
پاکستان
صحت، خوراک، پانی، صفائی ستھرائی اور پناہ گاہوں کیلئے مددفراہم کریں گے: جاپان کا اعلان—فوٹو: جاپانی ایمبیسی
جاپان کا پاکستان کے سیلاب متاثرین کیلئے 70 لاکھ ڈالرز کی ہنگامی امداد کا اعلان
06 ستمبر ، 2022
جاپان نے پاکستان کے سیلاب متاثرین کیلئے ہنگامی امداد کا اعلان کردیا۔
جاپانی وزیر خارجہ ہیاشی یوشی ماسا کا کہنا ہے کہ جاپان حکومت سیلاب متاثرین کیلئے 70 لاکھ ڈالر کی امداد دے گی۔
پاکستان میں جاپانی سفیر کا کہنا تھاکہ جاپان مشکل وقت میں پاکستانی عوام کے ساتھ کھڑا ہے اور اجتماعی امدادی کارروائیوں کیلئے اپنی امداد بڑھائیں گے، صحت، خوراک، پانی، صفائی ستھرائی اور پناہ گاہوں کیلئے مددفراہم کریں گے۔
ان کا کہنا تھاکہ جاپان سیلاب متاثرین کیلئے ٹینٹ اورپلاسٹک شیٹوں کی ہنگامی امدادبھی فراہم کرچکا ہے۔
