07 ستمبر ، 2022 
پاکستان
عدالت نے ایف آئی اے سے 17ستمبر کو جواب طلب کر لیا۔ فوٹو فائل
منی لانڈرنگ کیس: شہباز شریف اور حمزہ نے بریت کی درخواست دائر کر دی
07 ستمبر ، 2022
ایف آئی اے منی لانڈرنگ کیس میں وزیراعظم شہباز شریف اور سابق وزیراعلیٰ پنجاب حمزہ شہباز نے بریت کی درخواست دائر کر دی۔
شہباز شریف اور حمزہ شہباز کی جانب سے لاہور کی عدالت میں درخواست جمع کروائی گئی، عدالت نے ایف آئی اے سے 17ستمبر کو جواب طلب کر لیا۔
عدالت نے اثاثے منجمد کرنے کے خلاف درخواست کی سماعت کے لیے 10 ستمبر کی تاریخ مقرر کر دی۔
شہباز شریف نے مصروفیات کے باعث حاضری سے معافی کی درخواست بھی دائر کر دی۔
شہباز شریف کے وکیل نے عدالت کو بتایا کہ سیلاب کے باعث شہبازشریف پیش نہیں ہو سکے۔
جج نے ریمارکس دیے کہ کیا وہ 10 منٹ کے لیے نہیں آسکتے، یہ کیس کونسا روز چل رہا ہےکہ ان کے لیےآنامشکل ہے، شہباز شریف کا شیڈول دیا جائے کہ وہ کہاں ہیں۔
