09 ستمبر ، 2022 
کھیل
فوٹو:کراٹیکا حمزہ اقبال راجہ، کامن ویتلھ کراٹے چیمپئن شپ
کامن ویلتھ کراٹے چیمپئن شپ :پاکستان کے حمزہ اقبال راجہ نے برانز میڈل جیت لیا
09 ستمبر ، 2022
کامن ویلتھ کراٹے چیمپئن شپ میں پاکستان کے نوجوان کراٹیکا حمزہ اقبال راجہ نے برانز میڈل جیت لیا۔
برمنگھم میں ہونے والی کامن ویلتھ کراٹے چیمپئن شپ میں پاکستان کے نوجوان کراٹیکا حمزہ اقبال راجا 84 کلوگرام ویٹ کیٹیگری میں شریک تھے ۔
اپنی پہلی فائٹ میں حمزہ نے بھارت کے وویک تیجا کو 0-8 سے شکست دی تھی لیکن دوسری فائٹ میں انہیں انگلینڈ کے جو کیلوے نے 2-7 سے ہرایا۔
کوارٹر فائنل میں شکست کے بعد ریپشج راؤنڈ میں حمزہ نے ویلز کے نیتھن پریسے کو 5-11 سے شکست دی اور پھر برانز میڈل کی باؤٹ کیلئے انہوں نے قبرض کے کراٹیکا ڈمیترس کو ڈیماٹرائیڈز کو سنسنی خیز مقابلے کے بعد5-8 سے ہرایا اور برانز میڈل اپنے نام کیا۔
