اقوام متحدہ کے سیکرٹری جنرل 2 دوزہ دورے پر پاکستان پہنچ گئے
09 ستمبر ، 2022
اقوام متحدہ کے سیکرٹری جنرل انتونیو گوتریس 2 دوزہ دورے پر پاکستان پہنچ گئے۔
وزارت خارجہ کے مطابق وزیر مملکت حنا ربانی کھر نے اسلام آباد ائیرپورٹ پر یو این سیکرٹری جنرل کا استقبال کیا۔
انتونیوگوتریس سیلاب سے متاثرہ علاقوں کا دورہ کریں گے۔
اقوام متحدہ کے سیکرٹری جنرل انتونیوگوتریس کا کہنا ہے کہ پاکستان کا ایک تہائی حصہ سیلاب سے متاثر ہے،عالمی برادری کو مشکل میں گھرے افراد سے اظہار یکجہتی کرنا ہوگا۔
ان کا کہنا تھا سیلاب متاثرین سے اظہار یکجہتی کے لیے پاکستان پہنچ گیا ہوں، پاکستان موسمیاتی تبدیلیوں کی تباہ کاریوں سےنمٹ رہاہے اس لیے میں عالمی برادری سے بڑے پیمانے پر امداد کی اپیل کرتا ہوں۔
