09 ستمبر ، 2022 
پاکستان
قوم پی ٹی آئی کے پیچھے مضبوطی سے کھڑی ہے، کل کے جلسے میں اگلے اہم مرحلے کا اعلان کروں گا: چیئرمین پی ٹی آئی— فوٹو: فائل
حکومت اور ہینڈلرز بوکھلاہٹ کا شکار ہیں، یہ مائنس ون کی جانب بڑھ رہے: عمران
09 ستمبر ، 2022
پاکستان تحریک انصاف (پی ٹی آئی) کے چیئرمین و سابق وزیراعظم عمران خان نے کہا ہے کہ امپورٹڈحکومت اور ہینڈلرز بوکھلاہٹ کا شکار ہیں، یہ لوگ مایوس ہوکر مائنس ون فارمولا کی جانب بڑھ رہے ہیں۔
اپنی ٹوئٹ میں عمران خان کا کہنا تھاکہ کل گوجرانوالا جلسہ حقیقی آزادی کی تحریک کے پہلے فیز کا آخری جلسہ ہوگا اور اس جلسے میں اگلے اہم مرحلے کا اعلان کروں گا۔
ان کا کہنا تھاکہ امپورٹڈحکومت اور ہینڈلرز بوکھلاہٹ کا شکار ہیں، قوم پی ٹی آئی کے پیچھے مضبوطی سے کھڑی ہے اور یہ لوگ مایوس ہوکر مائنس ون فارمولا کی جانب بڑھ رہے ہیں۔
